وزير التعليم يحسم الجدل ويكشف متي سيحصل المعلمون على الزيادات المالية الجديدة ؟

حسم الدكتور محمود أبوالنصر، وزير التربية والتعليم، الجدل الدائر حاليًا، حول شكاوى المعلمين 

من عدم إدراج الزيادات المالية الجديدة، في كشوف مرتبات شهر يناير الجاري. 

وقال الوزير- في تصريحاته مساء اليوم الثلاثاء: "إن الزيادات المالية للمعلمين، والخاصة بشهر يناير، سيتم صرفها في استمارة مرتب منفصلة، وسيكون ذلك منتصف شهر فبراير المقبل". 

وأضاف الوزير: "أية زيادات مالية، تصرف في استمارة مرتب منفصلة، في الشهر التالي، وهنا أسأل المعلمين: متي تحصلون على علاوة يوليو من كل عام؟.. ثم أجاب: بالطبع يحصلون عليها في منتصف الشهر التالي". 

وتابع الوزير قائلًا: "المعلمون سيحصلون على زيادات شهر يناير، في منتصف شهر فبراير، وذلك في استمارة منفصلة.. على أن تكون الزيادات الجديدة منتظمة على الراتب ابتداء من شهر فبراير.. بمعني أن المعلم سيحصل على راتب شهر يناير على النظام القديم.. ثم يحصل على الزيادات الجديدة الخاصة بشهر يناير في منتصف فبراير.. ثم يحصل على راتب شهر فبراير كاملًا بما في ذلك الزيادات الجديدة". 

وقال الوزير: "مش ممكن بعد ما وزارة التعليم أكدت على وجود زيادات في المرتبات.. ووزارة المالية أكدت على وجود زيادات في المرتبات.. يشكك المعلمون في ذلك.. ياريت يكون فيه ثقة شوية عن كده".

وعن ردود تيار استقلال المعلمين علي كلام الوزير في صفحتهم علي الفيس بوك

***************************************************************************

سيادة الوزير يطالب المعلمين بالثقة وعدم التشكيك في كلامه ...
طب هتيجي منين بس الثقة دي لما كل شوية يطلع تصريح بكلام غير الكلام اللى طلع بيه التصريح اللى قبله ؟؟؟
وبعد ما كانوا بيقولوا الزيادات المالية للمعلمين هتتصرف ليهم في شهريناير الجاري رجعوا وغيروا كلامهم وقالوا إن الزيادات المالية هتتصرف في منتصف شهر فبراير 2014م المقبل في استمارة منفصلة وفي الآخر يطلعوا المعلمين هما اللى غلطانين وكمان بيطالبوهم بالثقة فيهم وبعدم التشكيك في كلامهم
طب هتيجي منين بس الثقة دي يا جماعة لما كل شوية يطلع تصريح بكلام غير الكلام اللى طلع بيه التصريح اللى قبله ؟؟؟
طب وهما كانوا فين كل الشهور اللى فاتت دي وكان فين شغلهم واستعداداتهم فيها لصرف هذه الزيادات المالية التي أعلنوا عنها وأكدوا كثيراً على انها ستصرف للمعلمين في شهر يناير 2014م ؟؟؟
وليه جايين دلوقتي ويأجلوا صرف هذه الزيادات لمنتصف فبراير 2014م ؟؟؟
حاجة غير مفهومة خالص .... وليه مفيش شفافية ومصداقية في التصريحات اللى بتطلع ؟؟؟
ولا انتو بتستغفلونا وبتضحكوا علينا لحد ميخلص الاستفتاء على الدستور وبعد كده تقولولنا اخبطوا راسكم في الحيطة ؟؟؟... ونرجع تاني لموضة إن البلد مفيهاش فلوس وإن عجلة الانتاج واقفة وهنجيبلكوا فلوس منين ؟؟؟ ... وكل ده طبعاً عشان سيادتكم موش عاوزين تنفذوا الحد الأقصى عليكوا ولا على الجميع بدون أية استثناءات لحد دلوقتي ومتعمدين تتأخروا في تنفيذه من شهور مع انه مطلب شعبي وجماهيري وثوري ؟؟؟
إذن هي مقاطعة الاستفتاء على الدستور لحين صرف هذه الزيادات للمعلمين في مدارسهم وهذا هو حقي الدستوري والقانوني والسلمي للرد على هذا الكلام الذي يدل على عدم المصداقية وعدم الوضوح والشفافية